Noverint universi presentes pariter et futuri, quod Renoldus Quovadis, transmaritanas partes voleus adire, fecit adsignamentum Theobaldo de Planta de trigenta libris parisiensibus, quas ei debebat de proprio catallo suo ad totam terram quam in territorio de Maignil habere dinoscebatur, videlicet, ad quindecim minas terræ sementivæ quam tenet de domino Petro de Tornella ; ita quod omnes fructus terræ illius dictus Theobaldus percipiet, singulis annis donec universum debitum de fructibus prædictæ terræ plenarie habuerit. Hoc iterum addito, quod Theobaldus annonam ejusdem terræ reservabit asque ad Pascha et per Gatinum de sancto Judoco et Wilardum Minet adpreciabitur, et si Theobaldo placuerit, habebit per pretium, et secundum valorem annonæ singulis annis minorabitur debitum. Huic autem assignamento interfuerunt : Baldus de Maignil, tanquam justitia ; Willelmus Aligos, Philippus de Medioburgo, Radulphus Petit et Gerardus de Fonte, ut scabini. Cæterum si prædictum Renoldum mori contigerit, salvis prædictis pactionibus inter ipsum et Tbeobaldum habitis, pro remedio animæ suæ, in æternam sui obitus memoriam contulit in eleemosinam presbiteris sancti Petri de Mondisderio unam minant frumenti et unam minam avenæ ; domui leprosorum ejusdem castelli duas minas frumenti et duas minas avenæ ; domui vero pauperum jacentium ejusdem villæ duas minas frumenti et duas minas avenæ similiter in eleemosinam concessit in perpetuum super prædictam terram. Concessit et pro remedio animæ suæ leprosis prædictis centum solidos parisienses, et centum solidos prædictis pauperibus super eamdem terram. Et si aliquis jure hereditario ad prædictam terram venire voluerit, presentes pactiones ei oportebit tenere, et prædictum frumentum et avenam, singulis annis, locis assignatis reddere ; quod ut ratum et inconcussum permaneat, presentes litteras maior et jurati de Mondisderio sigilli sui munimine confirmaverunt. Actum anno Domini miliesimo ducentesimo sexto decimo, mense novembri.