Ego Bartholomeus de Roia, notum facio omnibus tam futuris quam præsentibus, quod amore Dei et pro salute animæ meæ et antecessorum meorum, concessi, et dedi in perpetuam eleemosinam domui Dei de Montedesiderii, quatuor bonieras nemoris de Harella, ad suos usus necessarios, ea conditione quod ipsi bonieras illas vendere non poterunt aut invadiare, quod ut robur perpetuum obtineat, præsens scriptum sigilli mei munimine confirmavi. Actum Parisius, auno Domini millesimo centesimo nonagesimo nono, mense martio.