Noverint universi præsentes pariter et futuri, quod ego Guillermus, comes Pontivi, dedi in perpetuum in eleemosinam hospitalariæ domui pauperum jacentium de Montedesiderii, octo modios salis annuatim, in nativitate sancti Johannis Baptistæ, in villa de Rue recipiendos. Et per istam cartam, cassata est alia carta quam dicta domus habebat de me super prædictis octo modiis salis ; quod ut ratum et firmum sit, præssens scriptum sigilli mei munimine roboravi. Actum anno dominicæ incarnationis millesimo ducentesimo vigesimo, mense julio.