Et premierement :

A Bernard du Chesne le iiiij jour de decembre iiije et xxxix pour estres venu de Mondidier a Peronne en grand diligence et de nuit porter lettres aux officiers duds Peronne contenant que les gens monseigneur de Moy et autres gens de compaignie en grand nombre estoyent mis sus et logiez emprès Mondidier en intencion de venir courre ou Sangtois affin que lesdits officiers en advertissent ceux du plat pays la somme de xiis, ce jcyxijs  

xijs

A Richard Cousin sergent royal en la prevosté dudit Peronne le xxiiij jour de fevrier audit an iiije xxxix, pour avoir alé au commandement de mon dit seigneur le gouverneur dudt Peronne en grand haste en la ville de Saint-Omer porter letres de par ycellui seigneur a messeigneurs les ducs de Bourgogne et conte Destampes contenant comment Tallebot accompaignié de ijm combattants anglois estoyent venu passer par Moreul et logier en la ville de Lihons en Sangtois garnis de charrios chargiés d'artillerie et d'aucunes veuglaires et quil avoit laissié le conte de Sumerset aussi accompaignié d'aucuns Anglois logiés devant la place de Folleville et ce affin que mes dits seigneurs eussent sur ce leur noble advis de y precautionner. Auquel a esté payé en regard qu'il lui convint renouveller cheval de louaige par aler de nuit la somme de lxxijs, pour ce ycilxxijs  

lxxijs

A lui le xxvj jour du dit mois pour alé de rechief porter letres responsives de par mon dit seigneur le gouverneur a celles que mon dit seigneur Destampes lui avoit rescript, aussi de la couvine desdits Anglois et comment ils continuoyent de mal en pis et que le jeudi xxij jour dudit mois ils avoyent arse léglise Saint-Médard dudit Lihons ensemble plusieurs personnes avec, a esté payéxlviijs  

xlviijs

Au dit Watost le xxij jour du dit mois de may pour avoir alé dudit Peronne a Roye, Davenescourt et Corbie porter letres de part mon dit seigneur le conte adrechiées a mondit seigneur le gouverneur et monsieur l'abbé de Corbie pour Guy de Roye contenant que ils trouvassent maniere de faire admener par deçà la bombarde Bucquet estant a Mondidier et que pour ce faire mon dit seigneur l'abbé vouloist prester son chariot ou il vacqua par iij jours a vi s. par jour sontxviijs  

xviijs

A Roulin Bonnet le xxvij jour du dit mois pour avoir porté lettres à Mondidier et Roye contenant qu'ils fussent sur leur œil et que il este passé foison anglois a la blanche tache pour ce payé.xijs  

xijs

Ce compte, dont nous ne donnons qu'un extrait, est certifié par Bauduin de Noyelles, le 8 xbre 1440.