Roberte de Turricula, milite, petente sibi restitui emendas per gentes domini regis, pro transgressione banni monetarum levatas ab hominibus manentibus in terra sua Montisdesiderii, in qua habet omnimodam justiciam, altam, mediam et bassam. Ballivo Viromandensi, ex adverso dicente pro rege, quod hujusmodi emendas habere non debebat, cum idem miles bannum ibidem non habeat, et judicia fiant per scabinos et non per ipsum, licet per ipsum fiat executio judiciorum et habeat spolia condempnatorum : pronuntiatum fuit per judicium quod idem miles dictas emendas non haberet.