Omnibus præsentes litteras inspecturis, maior, jurati et scabini totaque communitas villæ Montisdesiderii salutem in Domino. Noverint universi quod, nos pensata utilitate communitatis nostræ, cœpimus et recepimus in perpetuum a viro religioso et honesto fratre Johanne de Capriaco, vices gerente prioris hujusce domus hospitalis Hierusalem in Franchia, omnes tholoneos quos predicta domus hospitalis ac fratres ejusdem domus habent et habere dicuntur, ubicumque in villa Montisdesiderii, in terra sua seu alibi infra metas communiæ Montisdesiderii pro centum solidis parisiensibus annui census dictis fratribus, aut mandato suo, in domo sua apud Montemdesiderii, singulis annis, in festo sancti Andreæ apostoli a nobis persolvendis. Justitiam suam, fueria et foragia suo qualia ibidem antiquitus habuerint penes ipsos fratres reservando ; verum etiam predicta domus hospitalis villæ nostræ, et omnes in eadem mansionem decerto facientes de mennoniis in dicta domo sua, seu in predicta terra dicti hospitalis, factis seu faciendis,prout antea liberi remanebunt et immunes ; domum etiam quæ est Hugonis dicti Maugier cum in eadem mansionem de certo facientibus in eadem libertate retinendo. Hoc adjuncto quod omnes modi theoloneorum de mennoniis infra claustra dictæ domus hospitalis factis seu faciendis dictis fratribus similiter penitus remanebunt. Si autem census predictus dictis fratribus, aut mandato suo, in domo sua predicta, ad predictum diem prout superius dividitur, non solveretur, dicti fratres inde pro qualibet die defectus solutionis, exigere poterunt et levare a nobis pro communitate nostra predicta duos solidos parisienses pro emenda, cum suo censu predicto ; quod ut ratum sit et firmum in posterum, præsentes litteras sic confectas, pro domo sua predicta tradidimus sigillo communiæ nostræ sigillatas. Actum anno Domini millesimo ducentesimo sexagesimo septimo, mense junii, die mercurii post nativitatem sancti Johannis Baptistæ.