Nos Andræas Benoti, in decretis licentiatus et in theologia baccalaureus, humilis prior prioratus de Riberiis, ordinis Cluniacensis, reverendissimo in Christo patte a domino Jacobo de Ambrosia, miseratione divina abbate sacri monasterii et totius ordinis Cluniacensis in provincia Franciæ, beneficiorum et membrorum a dicto ordine et monasterio tam medietate quam immedietate dependentium, hoc anno 1501 visitator commissus et deputatus, certificamus vigore commissionis nobis directæ, visitasse prioratus, beneficia et membra sequentia a dicto monasterio Cluniacensi, tam medietate quam immedietate dependentia, in districtu dictæ provinciæ Franciæ constituta.

Anno quoque supra 1501 et die 22 dicti mensis februarii, etiam visitavimus prioratum conventualem Montisdesiderii dicti ordinis, Ambianensis diœcesis, et a dicto monasterio Cluniacensi immediate dependenti et reperimus venerabilem patrem dominum Philibertum de Baudreuil, priorem modernum dicti prioratus, bonum in temporalibus et spiritualibus administratorem, ruinas antiquas tam in ecclesia quam in officinis et domibus dicti prioratus prosequentem et deffendentem. Reperimus insuper novem religiosos, sex presbyteros et tres novitios, continuam ibidem residentiam facientes et divino servitio vacantes, in observantia regulari bene et decenter et laudabiliter manutenentes. Jussimus tamen dictis religiosis quatenus de bono in melius perseverent, et observantiam regularem teneant et servent, prout in statutis et ordinationibus dictorum dominorum deffinitorum in eorum fieri præcipitur et mandatur. Est tamen opus ibidem destinare adhuc duos religiosos, ut servitium divinum melius et devotius ibidem persolvatur et continuetur, cum sint ibidem duo aut tres religiosi antiquiores fere continua infirmitate detenti, propter quod servitium divinum minime frequentare et continuare soleant. Est enim animadvertendum super eo, quod est unus de antiquis religiosis habens nomen et famam in villa Montisdesiderii et locis circumvicinis boni et optimi chirurgici et etiam medici, potissimum in eo quod est multum expers in sanatione dislocatium ossium, et etiam in sanatione tibiarum, brachiorum et aliorum membrorum fractorum, propter quod multi, taliter ægrotantes affluant ad eum et vocant eum pro sanitate recuperanda, ob quod, præteritis temporibus, a dicto monasterio multoties iste religiosus se abstentabat, vacando circa curam talium iufirmorum ; quibus infirmis, aliquando etiam et a fide dignis accepimus, ministravit pocula pro aliis infirmitatibus intrinsecis occurrenlibus, et quia religiosis personis de jure prohibetur studium physicæ et medicinæ, idcirco prohibuimus dicto religioso, ne modo, sine dispensatione legitima, talibus medicinis utatur ; excepto duntaxat in reparatione et sanatione fracturarum et dislocationum membrorum quando instantissime ejusdem consilium et auxilium postulabitur, et hoc duntaxat donec et quousque per præfatum reverendissimum dominum et dictos dominos deffinitores, super hoc fuerit aliud ordinatum et fieri mandatum : sic signatum, Benoty, visitator.