Universis præsentibus et futuris præsentes litteras inspecturis, major jurati et scabini communis villæ Montisdesiderii, Ambianensis dicecesis, salutem in Domino sempiternam. Notum facimus, quod nos pensata utilitate communis dictæ villæ, recepimus ad firmum annui redditus hereditarie et in perpetuum a dilectis ac fidelibus familiaribusque nostris priore et conventu ecclesiæ beatæ Mariæ Montisdesiderii, ordinis Cluniacensis, quidquid juris habebant et habere poterant in vivario quod dicitur vivarium novi molendini, cum omni maresco et omnibus pertinentiis et circunstanciis eorumdem prout sese comportant in longum et in latum, situm juxta villam Montisdesiderii prædictam, inter dictum novum molendinum et molendinum quod dicitur de Houpaincourt, prædictis priore et conventu aut ecclesia sua prænotata inter dua dicta molendina nihil cujuscumque juris quod sit in aqua vel maresco penitus reservantes seu retinentes, videlicet pro quatuordecim libris parisiensibus aunui redditus, quas quatuordecim libras nos prædicti major, jurati et scabini nomine prædictæ communiæ tenemur et in perpetuum tenebuntur, confitemurque teneri nos quolibet anno in octavis Purificationis beatæ Mariæ virginis solvere et reddere prædictis videlicet priori et conventui seu eorum mandato in villa Montisdesiderii prædicla, tali conditione apposita, quod si nos prædicti major, jurati et scabini nomine villæ, a dicti redditus solutione seu petitione elapsum, pro qualibet die differtur prædictis priori et conventui tenemur et tenebuntur reddere duos solidos parisienses nomine pœnæ cum toto redditu supradicto, etc. ; nos autem ut omnia prædicta firma permaneant et rata, præsentes litteras fide confertas dictis priori et conventui tradidimus sigillo communi nostro roboratas. Actum anno Domini millesimo ducentesimo octagesimo tertio, in festo sancti Petri ad vincula.