Theobaldus, Dei gratia Ambianensis episcopus, præsentibus et futuris in Domino salutem. Discreta patrum consuevit autoritas ad posterorum memoriam, res gestas litteris annotare, ut pax de bono studio veritatis per malum contentionis nullatenus perturbetur. Inde est, quod bona conventus et beneficia ecclesiæ Montisdesiderii, variis temporibus, et in eleemosinam, fidelium devotione collata, scripte, memoriæ commendare curavimus ; quæ propriis nominibus duximus experimenda. Allodium videlicet de Fonsehoiviller ex eleemosina dominæ. Elisabeth Rage. Duas partes magnæ decimæ de Septemtortis, de eleemosina nostra et de resignatione et concessione Adæ et Bernardi ejus, assensu Godefridi advocati de Brachio. De eleemosina domini Roberti de Tornella, et domini Petri patris ipsius et domini Rogonis fratris ejus, duodecim modios frumenti ad novum molendinum, et adjacens stagnum de eleemosina domini regis Philippi. De eleemosina Radulphi præpositi, pro Ada uxore sua unum modium frumenti in grangia de Forestel, et.... modium terræ semetivæ pro anima ipsius Radolphi apud foliam Girardi, assensu Arnulphi de Longe peresaines. Ex eleemosina domini Adæsenis, quatuor modios terræ sementivæ et duos modios frumenti et ses solidos censuales assensu domini et nepotis sui Adæ Rage apud Esclainviller. Et eleemosina domini Jourdain, in assensu domini de Pratellis unum modium frumenti. Ex eleemosina domini Adæ de Boucherel, unum modium frumenti de concessione domini Mathæi du Chasnel quod feodarium est apud Domfrontem. Ex eleemosina domini Odonis Bulionis, unum modium frumenti. De eleemosina Joannis, sacerdotis de Petraponte, et concessione nostra septimam partem maximæ decimæ de Grivene et tertiam in minima. Duas partes decimæ quas tenebat Robertus Blondellus de eleemosina nostra et resignatione ipsius Roberti, assensu et consensu Joannis de Cardinet. De eleemosina Adæ juvenis, ad quartam partem terragii quam habet in Hala, et duas partes de novem partibus in molendino de Conterel, prout singulis dicta sunt capitulis præfactæ ecclesiæ ea juste possidenti et quiete in perpetuam eleernosinam confirmamus, et ne quis temere contra ire præsumet sub anathematis periculo prohibemus. Actum anno icarnati Verbi millesimo centesimo nonagesimo octavo, mensi octobri.